Almaty prokýratýrasy Abaı atyndaǵy QazUPÝ-ǵa oqý korpýstary men stadıondy qaıtardy. Medeý aýdanynyń prokýratýrasy Abaı atyndaǵy Qazaq ulttyq pedagogıkalyq ýnıversıtetiniń múlkin zańsyz satý derekterin anyqtady, dep habarlaıdy aqshamnews.kz.
“Sportty birlesip damytamyz degen kózboıaýshylyqpen Gorkıı atyndaǵy Ortalyq mádenıet jáne demalys saıabaǵynda ornalasqan alańy 5 gektardan asatyn sport stadıony 10 jylǵa úshinshi tulǵalarǵa berilgen. 5 jyl boıy fýtbol alańy komersıalyq maqsatta paıdalanylǵan, al 16 myń stýdenttiń dene shynyqtyrýmen tolyq aınalysýǵa jáne sporttyq is-sharalar ótkizýge múmkindigi bolmaǵan", - dep jazylǵan habarlamada.
Medeý aýdany prokýratýrasynyń qadaǵalaý aktileri boıynsha zańdy kúshine engen sot sheshimderimen múlik ulttyq ýnıversıtetke qaıtaryldy.