Jan basyna shaqqandaǵy normatıv engizý kózdelip otyr.
Aldaǵy jyldary ataýly áleýmettik kómek taǵaıyndaý úshin kedeılik shegi eń tómengi kúnkóris deńgeıiniń ornyna medıandyq tabys deńgeıi arqyly anyqtalady. Bul týraly Úkimet otyrysynda Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy Almaty-akshamy.kz Inbusiness.kz silteme jasap.
«Taǵy bir mańyzdy ózgeris – 2025 jyldan bastap ataýly áleýmettik kómek taǵaıyndaý úshin kedeılik shegi eń tómengi kúnkóris deńgeıiniń ornyna medıandyq tabys deńgeıi arqyly anyqtalady», – dep qosty Tamara Dúısenova.
Sonymen qatar, áleýmettik qyzmet kórsetý júıesin transfomasıalaý, onyń basty maqsaty múgedektigi bar adamdar úshin, ásirese, aýyldyq jerlerde arnaýly áleýmettik qyzmetterdiń qoljetimdiligin arttyrý bolyp tabylady.
«Jan basyna shaqqandaǵy normatıv engizý kózdelip otyr. Qyzmetter úshin jeke normatıvter, al kompensatorlyq tehnıkalyq quraldar úshin shekti baǵalar bolady. Bul ózgerister, bir jaǵynan, keıbir qyzmet túrlerin nemese taýarlardy odan ári monetızasıalaýǵa ákeledi, ekinshi jaǵynan, arnaıy áleýmettik qyzmetterdi usynýǵa jeke sektordy keńinen tartý salanyń ınfraqurylymyn aýyldyq jerlerge jetkizýge múmkindik beredi», – dedi mınıstr.