Úkimettiń 500-den astam fýnksıasy mınıstrlikter men ákimdikterge beriledi.
QR Premer-Mınıstri Álıhan Smaıylov Premer-Mınıstr Keńsesin Úkimet Apparaty retinde qaıta qurý, Ekologıa, geologıa jáne tabıǵı resýrstar mınıstrligin qaıta uıymdastyrý, sondaı-aq salalyq tujyrymdamalar men damý josparlaryn ázirleý máseleleri jóninde keńes ótkizdi, dep habarlaıdy Almaty-akshamy.kz primeminister.kz silteme jasap.
Álıhan Smaıylovtyń aıtýynsha, ortalyq jáne jergilikti atqarýshy organdardyń jumysyn, qurylymdyq ózgeristerdi jalpy úılestirý kúsheıtiledi.
«Ol úshin apparattyń qurylymy men onyń qyzmeti ońtaılandyrylady. Úkimet pen Premer-Mınıstrdiń saraptamalyq-taldamalyq, uıymdastyrýshylyq-quqyqtyq qyzmetin qamtamasyz etý kúsheıtiledi. Apparat Prezıdent Ákimshiligimen birlesip sheshim qabyldaý rásimderin búrokratıadan aryltý jáne shamadan tys reglamentteýdi joıý jónindegi jumysty jalǵastyrady», — dedi Álıhan Smaıylov.
Úkimettiń 500-den astam fýnksıasy mınıstrlikter men ákimdikterge beriledi.
Kún tártibindegi ekinshi máselege toqtalǵan Premer-Mınıstr Prezıdenttiń Jarlyǵymen Ekologıa, geologıa jáne tabıǵı resýrstar mınıstrligi Ekologıa jáne tabıǵı resýrstar mınıstrligi bolyp qaıta uıymdastyrylǵanyn aıtty. Jer qoınaýyn geologıalyq zerdeleý jáne mıneraldyq-shıkizat bazasyn molyqtyrý salasyndaǵy fýnksıalar men ókilettikter Indýstrıa jáne ınfraqurylymdyq damý mınıstrligine berildi.
Keńesti qorytyndylaı kele, Premer-Mınıstr Úkimet aldynda ekonomıkanyń naqty mánde 4%-ǵa ósýin qamtamasyz etý, ınflásıany 2 esege 9,5%-ǵa deıin tómendetý jáne 2023 jyly $24,4 mlrd kóleminde tikeleı sheteldik ınvestısıalar tartý sekildi mańyzdy mindetter turǵanyn atap ótti.