Almaty qalasyna jumys sapary kezinde QR Premer-Mınıstriniń orynbasary Altaı Kólginov JOO rektorlarymen jáne ınvestorlarmen stýdentter jataqhanalaryn salý máselesi jóninde kezdesý ótkizip, «Ǵylym ordasy» ǵylym akademıasyna, ál-Farabı atyndaǵy Qazaq ulttyq ýnıversıtetine, Juqpaly aýrýlar ulttyq ǵylymı ortalyǵynyń qurylys alańyna bardy, dep habarlaıdy almaty-akshamy.kz
Almatyda 35 JOO ornalasqan, onda 188 myńnan astam stýdent bilim alady, onyń 120 myńnan astamy basqa qalalardan kelgen. Osyǵan baılanysty jataqhanalarda oryn tapshylyǵy ózekti másele bolyp otyr. Respýblıkada tósek-oryn tapshylyǵy – 70 myń, onyń jartysyna jýyǵy – 30 myńnan astamy – Almaty qalasynda.
Bul máseleni júıeli túrde sheshý úshin Almatyda elimizde alǵash ret jobalyq keńse ashyldy, onyń mindeti – barlyq qatysýshylardyń – ınvestorlar, ýnıversıtetter, ákimdik, «Qarjy ortalyǵy» AQ-tyń tıimdi seriktestigi úshin jaǵdaı jasaý. Búgingi tańda «bir tereze» qaǵıdaty boıynsha jumys isteıtin Jobalyq keńsege 70-ten astam ınvestor ótinish bildirgen. Bul jumys Prezıdenttiń tapsyrmasy boıynsha júzege asyrylyp jatyr, sýbsıdıalaý tetigi ázirlenip, jer telimin alý rásimderi jeńildetildi.
JOO rektorlary men jataqhana salýǵa at salysyp jatqan kásipkerlerdiń qatysýymen ótken keńeste problemalyq máseleler talqylandy. Atap aıtqanda, tósek-oryndary az jataqhanalardy sýbsıdıalaýdy qolǵa alý, ǵımarattardy jataqhanaǵa aınaldyrý kezinde memlekettik qoldaý kólemin 92-den 230 AEK-ke deıin arttyrý usynyldy.
A. Kólginov tapshylyq máselesi búdjet qarajaty esebinen ǵana emes, sondaı-aq ınvestorlardy tartý arqyly sheshiletinin atap ótti. Sondyqtan jańa jataqhanalar salýǵa, bar jataqhanalardy rekonstrýksıalaýǵa jáne ǵımarattardy stýdentter jataqhanasyna aınaldyrýǵa nıet bildirgen ınvestorlarǵa barynsha kómek kórsetý qajet. Sonymen qatar vıse-premer árbir joba boıynsha jol kartasyn ázirleýdi, Jobalyq keńseniń jumysyna sáýlet jáne qurylys salasy mamandaryn tartýdy tapsyrdy.
«Respýblıkada stýdentter jataqhanalarynyń tapshylyǵy jyl saıyn artyp keledi. Eger bul másele ýaqytyly sheshilmese, ol tek ýshyǵa túspek. Joǵary oqý oryndarynyń rektorlary stýdentterge jaǵdaı jasaýǵa múddeli bolýǵa tıis, al Úkimet tarapynan ınvestorlarǵa jan-jaqty kómek kórsetiledi. Almatydaǵy Jobalyq keńse basqa óńirlerge úlgi bolýǵa tıis», — dedi Premer-Mınıstrdiń orynbasary.
Sonymen qatar A. Kólginov «Ǵylym ordasy» ǵylymı nysandar keshenine bardy. Ondaǵy Ulttyq ǵylym akademıasy, ǵylymı-zertteý ınstıtýttary, Ǵylymı arhıv jáne t.b. nysandarǵa kúrdeli jóndeý jumystaryn júrgizý kerek. Jaqyn arada atalǵan jumystar júrgiziletin bolady.
Kásiporynnyń negizgi qurylymdyq bólimshesi – 6 mln kitap saqtalǵan Ortalyq ǵylymı kitaphana. Kóshirmeleri joq materıaldardy saqtaý úshin Sırek kezdesetin kitaptardy, qoljazbalar men arhıv materıaldaryn qalpyna keltirý jáne saqtaý ortalyǵy quryldy, ol biregeı quraldarmen jabdyqtalǵan.
Sonymen qatar QR Premer-Mınıstriniń orynbasary ál-Farabı atyndaǵy Qazaq ulttyq ýnıversıtetine bardy, onda da jataqhana máselesi bar. Máskeý ınjenerlik-fızıkalyq ınstıtýtymen birge ýnıversıtet bazasynda 100 joba iske asyrylýda, olardy komersıalandyrý boıynsha jumystar júrip jatyr.
Covid-19 pandemıasy jan-jaqty medısınalyq kómek kórsetýge jáne tótenshe jaǵdaılarǵa daıyn bolýdyń mańyzyn kórsetti, osy oraıda Premer-Mınıstrdiń orynbasary salynyp jatqan Respýblıkalyq juqpaly aýrýlar ǵylymı ortalyǵynyń ǵımaratyna bardy. 350 tósek-orny bar aýrýhana ózekti standarttarǵa sáıkes jabdyqtalady. Sońynda Ortalyqtyń qurylysyn belgilengen merzimde aıaqtaý tapsyryldy.