9-12 maýsym aralyǵynda Almatyda kınojobalar konkýrsynyń eki kezeńinen sátti ótken jobalardyń pıchıngi ótedi, dep habarlaıdy aqshamnews.kz QR Mádenıet jáne aqparat mınıstrliginiń baspasóz qyzmetine silteme jasap.
Bıylǵy pıchıngte 99 joba qorǵalady.
Qorǵaý Ulttyq kınony qoldaý memlekettik ortalyǵynyń resmı YouTube arnasynda tikeleı efırde kórsetiledi.
Baıqaýǵa qatysýǵa ótinim qabyldaý 5 naýryzda bastaldy. Kórkem, derekti jáne anımasıalyq fılm seksıalarynda 444 joba tirkeldi. Baǵalaý nátıjesi boıynsha 128 joba ekinshi kezeńge ótip, qatysýshylar tolyq qujattar paketin usyndy. Nátıjesinde 99 kınojoba pıchıngke joldama aldy.
Qańtar aıynda Kıno ortalyǵy ulttyq ıdeologıaǵa saı keletin, ózekti máselelerdi kóteretin basym taqyryptardy jarıalaǵan bolatyn. Atalǵan taqyryptar boıynsha senarıler baıqaýǵa qatysyp, memlekettik qarjylaı qoldaýǵa úmitker bolýǵa múmkindik aldy. Basym taqyryptardyń qatarynda tarıh, tanymal tulǵalar, áıelder men balalardyń quqyǵyn qorǵaý, tabıǵı baılyqty saqtaý, ekologıa jáne týǵan ólkeniń kórkem tabıǵaty bar.
Aıta keteıik, kınojobalardy irikteý konkýrsy barysynda Astanadaǵy Ortalyq keńsede, telefon, offlaın kezdesý jáne áleýmettik jelidegi keri baılanys arqyly konsýltasıa jumystary júzege asty.