Astana-Petropavl baǵytyndaǵy jol apatyna qatysty qylmystyq is qozǵaldy.
Esterińizge sala ketsek, 3 qańtar kúni 95 kólik soqtyǵysqan edi. Jappaı apat saldarynan Bulandy aýdandyq aýrýhanasyna túrli jaraqatpen 11 adam jetkizildi. Tórteýi aýrýhanaǵa jatqyzyldy, dep habarlaıdy aqshamnews.kz.
«3 qańtarda Astana - Petropavl jolynda, Jańatalap aýylynyń mańynda bolǵan JKO faktisi boıynsha júrgizýshilerdiń qashyqtyqty jáne jyldamdyq rejımin saqtamaý deregine baılanysty QK-niń 345-baby 1-bóligi boıynsha «Jol qozǵalysyna qatysýshylardyń abaısyzda orta dárejeli densaýlyqqa zıan keltirgen JJE buzýy» jáne 353-baby boıynsha sotqa deıingi is júrgizý bastaldy», – dedi Aqmola oblystyq PD baspasóz qyzmetiniń basshysy Gúlnar Pınchýk.