Jyl basynan beri Ulttyq ulan jaýyngerleri quqyq buzýshylarǵa qarsy kúreste erekshe nátıjege qol jetkizdi. Zańsyz aınalymdaǵy 82 birlik sýyq qarý, atys qarýy jáne esirtki zattary tárkilendi, 15 adasqan bala jaqyndaryna tabystaldy, jáne 11 órt sóndirý men adamdardy qutqarý faktisi tirkeldi, dep habarlaıdy Aqshamnews.kz
Áskerı qyzmetshilerdiń sheberligi arqasynda 45 joǵalǵan zat tabylyp, 91 smartfon ıelerine qaıtaryldy. Sondaı-aq, júrek talmasy men demikpesi bar azamattarǵa, jol-kólik apaty jáne ózine-ózi qol jumsaý faktisi bolǵandarǵa der kezinde alǵashqy medısınalyq kómek kórsetildi. Úsh aı ishinde Ulttyq ulan áskerı qyzmetshileri 21 adamǵa alǵashqy medısınalyq kómek jasap, 4 938 quqyq buzýshy ishki ister organdaryna jetkizildi.
İshki ister mınıstriniń orynbasary Ańsaǵan Baltabekov saraptaý qorytyndylary boıynsha birqatar qyzmetshilerdi marapattap, olardyń qoǵamdyq tártip pen beıbitshilikke qosqan úlesin atap ótti. Buǵan deıingi qyzmet barysynda Astanada órt qaýipinen 60-tan astam adam evakýasıalanyp, qaýipsiz aımaqqa shyǵarylǵany da mańyzdy oqıǵa bolyp sanalady.
Ulttyq ulan jaýyngerleri quqyq buzýshylyqpen kúreste kórsetken qajyrly eńbekteriniń nátıjesinde eldegi ishki turaqtylyq pen qaýipsizdik saqtalýda. Olar batyr qyzmetterimen elimizdiń qaýipsizdigi men qoǵamdyq tártipke eleýli úles qosýda.