Qazirgi ýaqytta poıyz toqtaıtyn platformany jóndeý jumystary júrip jatyr.
9 qarashadan bastap Qonaev qalasynan Almatyǵa deıin elektr poıyzy qaıta qatynaı bastaıdy. Bul týraly Qonaev ákimi Nurlan Qumataev málim etti, dep habarlaıdy Almaty-akshamy.kz QazAqparatqa silteme jasap.
Ákimniń aıtýynsha, qazirgi ýaqytta poıyz toqtaıtyn platformany jóndeý, abattandyrý jumystary aıaqtalyp jatyr.
«9 qarashadan bastap elektrıchkalar Almatyǵa júre bastaıdy. Soǵan daıyndyq jumystary 2-3 kún boldy júrip jatyr. Qazir barlyq jumyskerler qyzmet isteýde», - dedi Nurlan Qumataev.
Eske salaıyq, 19 qazanda Almaty oblysyna jumys saparymen barǵan Memleket basshysy Almaty men Qonaev qalalarynyń arasyndaǵy elektr poıyzyn qaıta iske qosýdy tapsyrǵan bolatyn.