Qazgıdromet 9 qarashaǵa arnalǵan aýa raıy boljamyn jarıalady, dep habarlaıdy almaty-akshamy.kz
Qazaqstan terıtorıasynyń basym bóliginde jaýyn-shashynsyz aýa raıy saqtalady.Tek batysynda, eldiń ońtústigi men ońtústik-shyǵysynyń taýly aýdandarynda atmosferalyq aýa aǵyndarynyń ótýine baılanysty jaýyn-shashyn (jańbyr, qar) kútiledi.
Elimizdiń batysynda, soltústik-batysynda, shyǵysynda, ońtústik-shyǵysynda jeldiń kúsheıip, ońtústik-batysynda jáne ońtústik shyǵystyń taýly aýdandarynda tuman túsedi.
Túnde Qostanaı oblysynyń soltústiginde jeldiń jyldamdyǵy 15-20 m/s, kúndiz basym bóliginde 15-20, ekpini 23-28 m/s kúsheıedi.
Kúndiz Soltústik Qazaqstan oblysynda jel 15-20, ońtústik-batysynda jyldamdyǵy 25 m/s jetedi. Kúndiz Aqmola oblysynyń soltústiginde jel 15-20, ekpini 23 m/s kúsheıedi. Shyǵys Qazaqstan oblysynyń Jarma aýdanynda jeldiń kúsheıýi saqtalady - 15-20 m/s.
Jambyl oblysynyń taýly aýdandarynda tuman túsýi yqtımal. Almaty oblysynyń Alakól kólderi aýdandarynda jeldiń jyldamdyǵy 17-22 m/s jetedi.
Túnde jáne tańerteń Atyraý oblysynyń batysy men ortalyǵynda, Mańǵystaý oblysynda tuman túsedi, kúndiz Atyraý oblysynyń batysy, soltústigi men shyǵysynda, Mańǵystaý oblysynyń soltústik batysynda jel turady, ekpini 15-20 m/s.
Kúndiz Batys Qazaqstan oblysynyń ońtústik shyǵysynda, shyǵysynda, Aqtóbe oblysynyń soltústik batysynda jeldiń kúshi 15-20 m/s bolady.