Bıylǵy jyldan bastap Qazaqstanda azamattardy memlekettik turǵyn úı kómegimen qamtý kólemi ulǵaıady. Úkimet qaýlysymen tıisti erejelerge ózgerister engizildi, dep habarlaıdy Almaty-akshamy.kz.
QR QR Ónerkásip jáne qurylys mınıstrligi baspasóz qyzmetiniń málimetinshe, turǵyn úı kómegi az qamtylǵan otbasylarǵa nemese azamattarǵa komýnaldyq qyzmetterge (jylý, elektr jáne sýmen jabdyqtaý, baılanys, lıftilerdi ustaý jáne t.b.) shyǵystardy óteý úshin toqsan saıyn tólenedi. Basty shart – alýshynyń menshiginde QR aýmaǵynda bir ǵana turǵyn úı bolýy ne memlekettik turǵyn úı qorynan nemese jeke turǵyn úı qorynan jergilikti atqarýshy organ jaldaǵan turǵyn úıdi jaldaýshy (teń jalǵa alýshy) bolýy tıis.
Ózgeristerge sáıkes, eger komýnaldyq shyǵyndardyń deńgeıi otbasynyń nemese azamattyń ortasha aılyq jıyntyq tabysynyń 10% - nan assa, turǵyn úı kómegi tólenedi. Buryn bul kórsetkish ár aımaqta ártúrli mólsherde, ıaǵnı 2%-dan 20% - ǵa deıin bolǵan. Bul rette ákimdikter áli de ruqsat etilgen shekti deńgeıdi 10% - dan tómen tómendetýge quqyly.
Mysaly, eger otbasynyń nemese azamattyń ortasha aılyq jıyntyq tabysy 100 myń teńgeni, al komýnaldyq qyzmetterge jumsalatyn shyǵystar – 15 myń teńgeni (tabystyń 10% - dan astamyn) qurasa, onda turǵyn úı kómegin alýshynyń jergilikti búdjet qarajaty esebinen aıyrmany óteýge quqyǵy bar.
Osylaısha, qabyldanǵan norma turǵyn úı kómegin alýshylardy qamtýdy keńeıtýge jáne az qamtylǵan azamattarǵa qarjylyq júktemeni azaıtýǵa múmkindik beredi.
Sońǵy 4 jylda ákimdikterdiń derekteri boıynsha turǵyn úı kómegi jalpy somasy 5 mlrd. teńgege 174 myńnan astam abonentke tólendi (2019 jyly 1,6 mlrd. teńge somasyna 54 431 abonent; 2020 jyly 1,06 mlrd. teńge somasyna 36 714 abonent; 2021 jyly 1.15 mlrd. teńge somasyna 29 626 abonent; 2022 jyly 53,5 myń abonent. abonentter somasy 1,18 mlrd. teńge).
Ákimdikterdiń derekteri boıynsha 2023 jylǵy 3 toqsannyń qorytyndysy boıynsha 834,7 mln.teńge somasyna 38,8 myń otbasyna turǵyn úı kómegi kórsetildi (1 616 mln. teńge shyǵyn kezinde), muqtaj azamattar úshin komýnaldyq qyzmetterge jumsalǵan shyǵyndardy óteý úlesi respýblıka boıynsha ortasha eseppen 51,6 % - qurady.