Dostar, esterińizde bolsa, Túrkıa saparymda qazaq tilin úırenip jatqan qandas balalarǵa “35 dombyra syılaýǵa ýáde etken edim”. Nátıjesinde dombyra sany 80-ge jetti, dep jazdy Maqpal Jumabaı óziniń áleýmettik paraqshasynda.
Bul ıgi isti ÖzgeEpic óner keńistiginiń atynan bastap, dostarym ún qosyp, tanymal sheber Eljasqa tapsyrys bergen bolatynmyn. Óte sapaly aspap jasatyp berem degen sózimdi oryndadym. Eldegi aıtýly shebermen jumys istedik.
Mundaǵy ár dombyrada dostarym men áriptesterimniń de úlesi bar. Sol úshin de rahmet aıtqym keledi.Dombyra syılaý oqıǵamyz munymen shektelgen joq, bastamama Ystambuldaǵy Bas konsýl Nurıddın myrza qoldaý bildirgisi keletinin jetkizdi. Bas konsýldyń sebepker bolýymen demeýshiler tabylyp, dombyra sany 80-ge jetti.Dombyralarǵa belgimizdi soǵyp, arnaıy qorap jasatyp, orap, Ystambulǵa jiberdik. Aspaptarymyzdyń aman jetkeni týraly aqparat aldyq.
Jaqyn kúnderi budan da kúshti jańalyq bolady. Ol jańalyqty Bas konsýl jáne basqa da seriktester Ystambulda jarıalaımyz, dep jazdy Maqpal.
