Qazaqstan Respýblıkasy Mádenıet jáne aqparat mınıstrligi men Birikken Ulttar Uıymynyń eriktiler baǵdarlamasy (BUU) arasyndaǵy kelisim aıasynda jeti qazaqstandyq volonter BUU-nyń ártúrli qurylymdarynda (UNFPA, UN Women, UNDP, UN ESSCAP, IOM) taǵylymdamadan ótedi.
Olar 266 úmitkerdiń arasynan konkýrstyq negizde irikteldi. Úsh jyl boıy volonterler Kenıa, Taıland jáne Túrkıada jumys isteıdi, dep habarlaıdy almaty-akshamy.kz.
Júrgizilip jatqan jumystar volonterlik qyzmet salasyndaǵy álemdik oń tájirıbeni Qazaqstanda odan ári iske asyrýǵa múmkindik beredi.
Eske salaıyq, 2019 jyly Qazaqstan Respýblıkasynyń Úkimeti men BUU eriktiler baǵdarlamasy qazaqstandyq volonterlerdiń BUU-nyń halyqaralyq volonterleri retinde jumys isteýin qamtamasyz etetin kelisimge qol qoıǵan edi. Nátıjesinde 7 qazaqstandyq álemniń ártúrli elinde (Kenıa, Iordanıa, Túrkıa jáne Taıland) ózderiniń volonterlik qyzmetin sátti júzege asyrdy, olardyń ishinde 6 volonter búkil álem boıynsha BUU qurylymdaryna jumysqa shaqyryldy.