Aýyl sharýashylyǵy mınıstrligi iri qara malǵa qatysty statısıkany qaıta jańartty, dep habarlaıdy almaty-akshamy.kz.
Mınıstrlik aýyl sharýashylyǵyn damytýdaǵy júıeli problemalyq máselelerdiń biri retinde jalǵan statısıkany atap ótedi. Iaǵnı qala, kent jáne aýyldyq okrýg ákimderi júrgizetin sharýashylyq esebi negizinde salalyq statısıkanyń burmalanyp ketedi. Sonyń saldarynan elimizdegi iri qara maldyń sany shamamen 2 mln basqa qysqardy.
Salanyń tıimdi jumysyn qamtamasyz etý maqsatynda Aýyl sharýashylyǵy mınıstrligi mal sharýashylyǵy salasyndaǵy statısıkalyq derekterdi sáıkestendirý jumystaryn aıaqtaǵan.
2024 jylǵy 1 qańtardaǵy jaǵdaı boıynsha aýyl sharýashylyǵyndaǵy mal sany baǵytyndaǵy ár sharýashylyq boıynsha elektrondyq esepke alý derekterin ózektendirý nátıjesinde aýyl sharýashylyǵy kásiporyndaryn qosa alǵanda, iri qara mal sany shamamen 2 mln basqa, sút óndirisi 3 mln tonnaǵa, qoı sany 14%-ǵa, eshki 20%-ǵa, shoshqa 34%-ǵa, úı qusy 22%-ǵa, et óndirisi 15%-ǵa, taýyq jumyrtqasy 10%-ǵa qysqardy, – delingen ASHM habarlamasynda.
Tıisti derekter josparlaý men ishki naryqty retteý boıynsha sheshimder qabyldaý sapasyn arttyrady. Dál osyndaı jumystar ósimdik sharýashylyǵynda da júrgizilip jatyr. Ony 2024 jyldyń tamyzyna deıin aıaqtaý josparlanǵan.