Almaly aýdanynda jaıly qalalyq orta qurý jumystary qarqyndy túrde jalǵasýda.
Ákimdik 69 aýla aýmaǵyna jóndeý jumystaryn júrgizbek. Atap aıtqanda, 19 aýlaǵa kúrdeli jóndeý jumystaryn júrgizse, 50 aýlany aǵymdaǵy jóndeýden ótkizýdi josparlap otyr. Sonymen qatar 47 az qabatty turǵyn úıdiń qasbetine aǵymdaǵy jóndeý josparlanǵan. Búgingi tańda 4 úıdiń qasbeti jóndelgen. Al qalǵandary shilde aıynyń sońyna deıin aıaqtalady, dep habarlaıdy Almaty-akshamy.kz.
«20 maýsymǵa deıin Kúlásh Baıseıitova atyndaǵy jaıaý júrginshiler kóshesin jaılastyrý aıaqtalady. Álıa jáne Mánshúk skverin abattandyrý men rekonstrýksıalaýdy bastap, osy jyldyń sońyna deıin aıaqtaý josparlanýda.
Jalpy, osy jyldyń sáýir aıynan bastap ákimdik jasyl aımaqtyń bárin avtomatty sýarý júıesimen jabdyqtap, Dúısenov atyndaǵy jaıaý júrginshiler kóshesi men 7 skverdi modernızasıalaý jáne kógaldandyrý jumystaryn bastady», - dedi qala basshysy aýdan turǵyndarymen kezdesýinde.