Bul baǵdarlama 2021 jyldan bastap iske qosyldy.
Ol jyl saıyn 7000 EKU kvotasyn beredi, dep habarlaıdy Almaty-akshamy.kz QR DSM-ne silteme jasap.
Mınıstrliktiń málimetinshe, 2022 jyldyń basynan beri Qazaqstanda «Ańsaǵan sábı» baǵdarlamasy aıasynda 6,5 myń áıel ekstrakorporaldy uryqtandyrýdan (EKU) ótken.
QR Densaýlyq saqtaý vıse-mınıstri Vácheslav Dýdnık Ortalyq komýnıkasıalar qyzmetinde ótken brıfıńte málim etkendeı, «Ańsaǵan sábı» baǵdarlamasy 2021 jyldan bastap iske qosyldy. Ol jyl saıyn 7000 EKU kvotasyn beredi.
«2022 jyly baǵdarlamamen 6,5 myń áıel qamtylsa, qalǵany kezekte tur. «Ańsaǵan sábı» baǵdarlamasy boıynsha buryn jasalǵan EKO prosedýralarynyń nátıjesinde 2654 otbasynda kópten kútken 3110 bala dúnıege keldi», - dedi Densaýlyq saqtaý vıse-mınıstri Vácheslav Dýdnık.
Onyń aıtýynsha, júkti áıelder men jańa týǵan nárestelerge kútim kórsetýdi jaqsartý maqsatynda elimizde halyqaralyq standarttarǵa saı zamanaýı 11 perınataldyq ortalyq salý da josparda bar.