Qarjylyq monıtorıń agenttigi «Qazaqstannyń ınvestısıalyq qory» AQ zańsyz jekeshelendirý faktisi boıynsha tergeýdi jalǵastyrýda.
Tergeý barysynda «Báıterek» «UBH» AQ menshigine quny 63,3 mlrd teńge bolatyn QIQ-nyń 100% aksıasyn qaıtarý qamtamasyz etildi. Aıta keteıik, sotqa deıingi tergeý bastalǵan kezde Qordyń Qazaqstannyń Damý Banki aldynda 18,7 mlrd teńge kóleminde boryshy bolǵan.
Agenttikpen qabyldanǵan sharalarmen, sonyń ishinde qolma-qol aqshamen óteý esebinen bereshek úsh esege tómendetildi.
Sonymen qatar, 12 enshiles kompanıa Qordyń baqylaýyna qaıtaryldy. Bul metal konstrýksıalaryn, jol jáne qurylys bıtýmyn shyǵarý, shınalardy jáne iri qara maldyń terisin qaıta óńdeý, qaǵaz-karton ónimderi, jelimdelgen aǵash konstrýksıalar, baǵyttamaly burmalardy shyǵarý zaýyttary jáne polıgrafıa.
QIQ balansyna Almaty qalasyndaǵy bıznes-ortalyqtyń ǵımaraty jáne Almaty oblysyndaǵy quny 1,6 mlrd teńgeden asatyn jer ýchaskeleri qaıtaryldy.
Sondaı-aq, «Dosjan Temir Joly» AQ jylyna nebári 100 mln teńgege 10 jyl merzimge senimgerlik basqarýǵa berý týraly shart joıyldy. Kásiporynnyń 2022 jyldyń qorytyndysy boıynsha taza paıdasy 1,3 mlrd teńgeni quraǵanymen, bastapqy baǵalaý kezinde bul eskerilmegen.
Aktıvterdi memleket paıdasyna qaıtarý jónindegi jumys jalǵastyrylatyn bolady.