Oǵan 10-15 jas aralyǵyndaǵy balalar qatysady.
Qazaqstannyń 7 týrısik aımaǵyn aralaıtyn «Týǵan elge saıahat» balalar patrıottyq-tanymdyq poıyzyna 600 bala joldama alady, dep habarlaıdy Almaty-akshamy.kz
Onyń ishinde 300 qatysýshy «Óz óńirimdi órkendetkim keledi» degen taqyrypta esse jazý arqyly anyqtalady.
Oǵan 10-15 jas aralyǵyndaǵy balalar qatysady. Olar atalǵan taqyryptaǵy týyndysyn poezd2023@list.ru elektrondy poshtasyna 10 maýsymǵa deıin joldaýy qajet.
Shyǵarmalar qazaq nemese orys tilinde qabyldanady. Bir bala bir shyǵarma ǵana joldaýǵa tıis.
Jol ústindegi jazǵy demalysqa joldama alatyn balalardy qazylar alqasy anyqtaıdy.
Al 300 joldama «Samuryq-Qazyna» AQ kompanıalar tobyndaǵy óndiristik kásiporyndarda jumys isteıtin qyzmetkerlerdiń balalaryna beriledi.
Týǵan elge saıahat 3 kezeńnen turady:
Alǵashqy kezeńde maýsym aıynyń 20-sy kúni Astanadan shyqqan poıyz Baıqońyr, Túrkistan, Almaty jáne Býrabaıǵa baryp, 28 maýsymda elordaǵa qaıtyp keledi.
Ekinshi kezeń 2-11 shilde aralyǵynda Astana – Baıqońyr – Túrkistan – Almaty – Alakól – Astana baǵytyn qamtıdy.
Al úshinshi kezeńniń qatysýshylary 19-30 shilde aralyǵynda Astanadan Almatyǵa, sodan soń Túrkistan men Baıqońyrǵa baryp, Aqtaý arqyly Astanaǵa oralady.
Joba «Samuryq-Qazyna» AQ kompanıalar tobynyń atynan «Samruk-Kazyna Trust» áleýmettik jobalardy damytý qorynyń qarjylyq qoldaýymen, QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń jáne «Áleýmettik jobalar qorynyń» qatysýymen júzege asyp jatyr.