QR basym bóliginde jańbyr
Qazgıdromet 6 mamyrda bolatyn erekshe meteorologıalyq qubylystarǵa boljaý konsýltasıasyn jarıalady, dep habarlaıdy Almaty-akshamy.kz.
Atmosferalyq frontaldy bólikterdiń ótýine baılanysty búgin QR basym bóliginde jańbyr, elimizdiń batysynda qatty jańbyr jaýady. Respýblıka boıynsha keı jerlerde naızaǵaı oınaıdy; jel kúsheıip, ońtústik-shyǵysta, batysta – burshaq, ońtústikte, ońtústik-shyǵysta – daýyl, ońtústik-batysta – shańdy daýyl bolady.
Kúndiz Túrkistan oblysynyń taýly aýdandarynda daýyl, taýly asýlarynda jeldiń 15-20 m/s kúsheıýi kútiledi. Jambyl oblysynyń ońtústiginde, taýly aýdandarynda burshaq, daýyl kútiledi. Atyraý oblysynda, Almaty oblysynyń ońtústik-shyǵysynda, taýly aýdandarynda jeldiń 15-20 m/s kúsheıýi kútiledi.
Batys Qazaqstan oblysynyń ońtústiginde, ońtústik-shyǵysynda, kúndiz Pavlodar, Qaraǵandy oblystarynyń batysynda, soltústiginde, ortalyǵynda, Shyǵys Qazaqstan oblysynyń ońtústik-batysynda, shyǵysynda jeldiń 15-20 m/s kúsheıýi kútiledi. Mańǵystaý oblysynyń soltústiginde, batysynda, ortalyǵynda burshaq, kúndiz oblystyń ońtústiginde – shańdy daýyl, oblystyń basym bóliginde – jeldiń kúshi 15-20, ekpini 23-28 m/s kúsheıýi kútiledi.
Túnde Qostanaı oblysynyń soltústiginde jeldiń 15-20 m/s kúsheıýi, kúndiz oblystyń basym bóliginde 15-20, ekpini 25 m/s kúsheıýi kútiledi. Tańerteń jáne kúndiz Aqmola oblysynda jeldiń 15-20, oblystyń soltústigi men shyǵysynda ekpini 25 m/s kúsheıýi kútiledi. Soltústik Qazaqstan oblysynda jeldiń ekpini 15-20, kúndiz ekpini 23-28 m/s kúsheıýi kútiledi.
Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda, Pavlodar oblysynyń ortalyǵynda tótenshe órt qaýpi kútiledi.