«Qazaqtelekom» akısonerlik qoǵamynyń Inovasıalar jónindegi bas dırektory Nurlan Meıirmanov 5G tehnologıasynyń radıasıalyq qaýpi týraly pikir bildirdi, dep habarlaıdy Almaty-akshamy.kz.
«Radıasıalyq fobıa máselesine baıyppen qaraýymyz kerek. Adamdardy bul másele qorqytady. Bul jerde úgitteý emes, aǵartý jumystarymen aınalysý kerek shyǵar. Sarapshy retinde mynany aıtqym keledi. 5G-ınternetke qoldanylatyn radıotolqyndar nemese jıilik jolaqtary 2G-ınternetke qoldanylatyn jıilik jolaqtarynan áldeqaıda álsiz. Sarapshy retinde aıtaıyn, uıaly telefondaryńyzda qoldanyp júrgen 2G tehnologıaly radıotolqyndar 4G tehnologıadan 10 ese kóp sáýle taratady. Iaǵnı, telefondaǵy 4G tehnologıaǵa shamamen 200 mlVt kerek bolsa, 2G-ge 2000 mlVt kerek. Al 5G-de qýaty 100 mlVt-qa deıin tómendeıdi. Sonda is júzinde adamdarǵa kerisinshe 2G-den bas tartyp, 5G tehnologıaǵa kóshý kerek. Óıtkeni 5G tehnologıany paıdalansańyz, qolyńyzdaǵy telefon aqparat berý turǵysynan anaǵurlym az energıa shashady», - dedi ol.
Ulttyq kompanıa ókili qazaqstandyqtar 5G-diń artyqshylyqtaryn túsinse, ózderi-aq ony engizýdi talap eter edi dep esepteıdi.
«5G-diń ereksheligi energıa únemdeı alatynynda. Keńirek jıilik jolaqtary paıdalanylatyndyqtan az ýaqyt pen az qýat jumsaı otyryp, neǵurlym kóbirek aqparat júkteıdi, taratady. 5G paıda bolǵan soń sapaly kıno kórý úshin, kóbirek aqparat jiberý úshin energıa da ýaqyt ta az shyǵyndalady. Ereksheligi osynda. Tutynýshylarǵa osy málimetti durys jetkizse, ózderi-aq 5G tehnologıany tezirek engizýdi talap eter edi», - deıdi Nurlan Meıirmanov.