Qandaı depozıtterdi jáne qandaı maqsatta ashatynyn zerttegen sosıologıalyq zertteýdiń nátıjeleri boıynsha, otbasyly qazaqstandyqtar kóbine bolashaqqa jáne tosynnan bolatyn shyǵyndar úshin jınaqtaý maqsatynda depozıt ashady, dep habarlaıdy aqshamnews.kz
Qazaqstandyq depozıtterdi kepildendirý qory men marketıń jáne sosıologıa ınstıtýty «Elim» júrgizgen zertteý boıynsha 4000 respondentten saýalnama alǵan.
«Otbasyly qazaqstandyqtardyń úshten biri (33%) bankterde depozıtterge ıe. Bul rette erler men áıelder depozıt ashýda birdeı jıi kezdesedi – 49% jáne 51%, sáıkesinshe. Qyzyqtysy, saýalnamaǵa qatysqandardyń 80%-y depozıtterin teńgede ashýdy jón kóredi», – deıdi sarapshylar.
Astana men Almatydaǵy otbasylar arasynda jınaqtary bar adamdardyń úlesi sál joǵary – shamamen 40%. Negizgi jınaqtaý maqsattary – bolashaq úshin. Onyń ishinde tosynnan keletin shyǵyndar bolǵan jaǵdaıda qınalyp qalmas úshin jnaqtaıdy. Depozıtterdi osy maqsatta ashqan respondentterdiń 56%-y osyndaı sebepti atap ótti.
Ekinshi orynda – jyljymaıtyn múlik satyp alý (15%). Úshinshi orynda – balalardyń bilim alýy nemese olardyń bolashaǵy úshin jınaq jasaý.