QR Prezıdenti Qasym-Jomart Toqaev 5 maýsymda respýblıkalyq referendým ótkizý týraly Jarlyqqa qol qoıdy
Bul týraly Almaty-akshamy.kz Aqordaǵa silteme jasaı otyryp habarlaıdy.
Qujattyń mátini tómendegideı:
***
Qazaqstan Respýblıkasy Konstıtýsıanyń 91-babynyń 1-tarmaǵyna jáne «Respýblıkalyq referendým týraly» Qazaqstan Respýblıkasy Konstıtýsıalyq zańynyń 18-babyna sáıkes QAÝLY ETEMİN:
1. 2022 jylǵy 5 maýsymda respýblıkalyq referendým ótkizilsin.
2. «Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» Qazaqstan Respýblıkasy Zańynyń jobasy «2022 jylǵy 6 mamyrda buqaralyq aqparat quraldarynda jarıalanǵan «Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» Qazaqstan Respýblıkasy Zańynyń jobasynda baıandalǵan Qazaqstan Respýblıkasynyń Konstıtýsıasyna ózgerister men tolyqtyrýlardy qabyldaısyz ba?» degen tujyrymdaǵy saýal qoıylyp, respýblıkalyq referendýmǵa shyǵarylsyn.
3. Osy Jarlyq jáne «Qazaqstan Respýblıkasynyń Konstıtýsıasyna ózgerister men tolyqtyrýlar engizý týraly» Qazaqstan Respýblıkasy Zańynyń jobasy 2022 jylǵy 6 mamyrda buqaralyq aqparat quraldarynda resmı túrde jarıalansyn.
4. Respýblıkalyq referendýmdy uıymdastyrý men ótkizý Referendýmnyń ortalyq komısıasynyń qyzmetin atqaratyn Ortalyq saılaý komısıasyna, sondaı-aq referendýmnyń aýmaqtyq jáne ýchaskelik komısıalarynyń qyzmetin atqaratyn aýmaqtyq jáne ýchaskelik saılaý komısıalaryna júktelsin.
5. Qazaqstan Respýblıkasynyń Úkimeti Qazaqstan Respýblıkasynyń Ortalyq saılaý komısıasymen, Qazaqstan Respýblıkasynyń basqa da ortalyq memlekettik organdarymen jáne jergilikti atqarýshy organdarymen birlesip, respýblıkalyq referendýmdy uıymdastyrý men ótkizý jóninde qajetti sharalar qabyldasyn.
6. Osy Jarlyq jarıalanǵan kúninen bastap qoldanysqa engiziledi.
Qazaqstan Respýblıkasynyń Prezıdenti Q.Toqaev
Nur-Sultan, Aqorda, 2022 jylǵy 5 mamyr № 888