Ortalyq Azıa memleketteri basshylarynyń VI-konsýltatıvtik kezdesýin ótkizý qarsańynda, 2024 jylǵy 8 tamyzda Astana qalasynda Ortalyq Azıa elderiniń kólik mınıstrleriniń ekinshi kezdesýi ótti. İs-sharaǵa Qazaqstan, Qyrǵyzstan, Tájikstan, Túrikmenstan jáne Ózbekstan Kólik mınıstrleri qatysty.
Kezdesý barysynda Mınıstrler tranzıttik dálizder, temirjol jáne avtomobıl tasymaldary, sondaı-aq áýe kóligi salalaryndaǵy yntymaqtastyqtyń ózekti máselelerin talqylady. Avtomobıl jáne temir joldardy salýǵa, halyqaralyq áýe qatynasy jelisin keńeıtýge baǵyttalǵan ózara baılanysty damytý boıynsha elder júrgizip jatqan saıasat erekshe atap ótildi. İs-shara qorytyndysy boıynsha taraptardyń yntymaqtastyqty odan ári nyǵaıtý nıetin bekitetin Astana komúnıkesine qol qoıyldy.
Budan basqa, mınıstrler ınvestısıalar tartý, ınfraqurylymdy damytý jáne kólik-logıstıkalyq ortalyqtardyń qyzmetin retteıtin normatıvtik-quqyqtyq bazany jetildirý úshin qolaıly orta qurý sheńberinde elderdiń ózara is-qımylyna baǵyttalǵan Memorandýmǵa qol qoıdy.
Bul Memorandým 2023 jyly Dýshanbe qalasynda qol qoıylǵan Ortalyq Azıadaǵy jer ústi kóliginiń ózara baılanysyn nyǵaıtý týraly kópjaqty kelisimniń qısyndy jalǵasy.
Delegasıa Astana qalasyndaǵy Elektrovoz qurastyrý zaýytyna bardy. Kásiporyn otandyq lokomotıv qurylysynyń óndiristik múmkindikterin kórsetti. Sondaı-aq, qonaqtar kólik mınıstrligi uıymdastyrǵan Jolshylar kúnine arnalǵan saltanatty jınalysqa qatysty.