Álemniń birqatar elinde aýa raıy qolaısyzdyq tanytyp jatyr.
Ulybrıtanıada ótken aptada bastalǵan sý tasqyny áli seıilgen joq. Onymen kúreske mıllıardtaǵan qarjy bólindi. Shvesıada qalyń qar jaýyp, júzdegen kólik jolda qaldy. Al AQSH-ta ondaǵan mıllıon turǵyn boranǵa baılanysty eskertý aldy, dep habarlaıdy almaty-akshamy.kz.
Ulybrıtanıada tasqynnan qorǵanýǵa 5,2 mlrd fýnt sterlıń bólindi
Ulybrıtanıa úkimeti eldi jaılaǵan alapat sý tasqynynan qorǵanys maqsatynda 5 mlrd 200 mln fýnt sterlıń nemese 6 mıllıard 600 mln dollar bóldi. Qurama koróldikke "Henk" atty kúshti daýyl ótken aptada kóterildi. Ekpindi jel turyp, úzdiksiz nóser jaýyp, ózender tasyǵan. Jaǵdaı áli qalpyna kelgen joq. Úkimet sý tasqyny jaıynda 300-den asa eskertý jasady.
Slovenıada 5 adam úńgirde qalyp qoıdy
Slovenıanyń ońtústik-batysynda tolassyz jaýǵan nóserden keıin ózenniń deńgeıi kóterildi. Tabıǵı apat kezinde Krıjna úńgirinen 5 adam shyǵa almaı qalǵan. Tasqyn olar úńgir aralap júrgen kezde bastalǵan. Olardy shyǵarý úshin súńgýirler men qutqarýshylar jiberildi. Sońǵy málimetterge saı, úńgirde qalǵandarǵa sý, tamaq jáne jylytqysh qural jetkizilgen. Qutqarý jumysy qashan aıaqtalatyny belgisiz. Adamdardy aman alyp shyǵý úshin sý deńgeıiniń tómendeýi mańyzdy.
Shvesıada úzdegen kólik qar qursaýynda qaldy
Al Shvesıada qys qaharyna mindi. Elde shırek ǵasyrda bolmaǵan úskirik aıaz tirkeldi. Onyń ústine, qalyń qar jaýyp, júzdegen kólik qar qursaýynda qalǵan. Olardy shyǵarý úshin polısıa, qutqarýshylar, qorǵanys kúshteri túni boıy jumys istedi. Kólik júrgizýshileri 13 saǵat boıy joldyń ashylýyn kútýge májbúr bolǵan.
AQSH-ta boran soǵyp, qalyń qar jaýdy
AQSH-ta boran soǵyp, aýa raıynyń qolaısyzdyǵyna baılanysty 70 mıllıon adamǵa eskertý jasaldy. Turǵyndarǵa jolda saq bolýǵa, meıilinshe alys saparǵa shyqpaýǵa týraly keńes berildi. Keı shtattarda jaýǵan qardyń qalyńdyǵy 30 sm-ge jetken. Mamanedar, mundaı aýa raıy birneshe kúnge jalǵasýy múmkin dep otyr.