Kostenko atyndaǵy shahtada apatty joıý jónindegi jedel shtab táýlik boıy jumys istep jatyr, dep habarlady Tótenshe jaǵdaılar mınıstrligi.
«Saǵat 20.00-degi jaǵdaı boıynsha 45 kenshiniń denesi tabyldy, 1 kenshini izdeý jalǵasýda», - delingen habarlamada.
Vedomstvonyń málimetinshe, jumys bir-birinen shamamen 6 km qashyqtyqta ornalasqan eki óndirý ýchaskesi aýdanynda júrgizilýde.
Kenshiler ornalasýy múmkin yqtımal ýchaskelerge taý-ken qutqarýshylarynyń ótýiniń barlyq múmkin joldary pysyqtalýda.
Apattyń boljamdy epısentrin tekserý úshin TJ mınıstri Syrym Sháriphanov shahtaǵa tústi.
Tekserý barysynda órt pen jarylystyń áserine ushyraǵan qazbalar qaraldy, onda:
- shahta jabdyǵynyń buzylýy jáne jyljýy;
-metall-arkaly bekitý elementterindegi shań shógindileri;
- jeldetý qurylystarynyń zaqymdanýy anyqtaldy.
Kózge kórinetin janý oshaqtary joq, gaz jaǵdaıy qalypty. Sonymen qatar, Syrym Sháriphanov avarıany tergeý jónindegi Úkimettik komısıa múshelerimen otyrys ótkizdi.
Jumystardy jan-jaqty qamtamasyz etý TJ mınıstriniń jeke baqylaýynda. Jumys jalǵasýda.