Qazgıdromet sınoptıkteri 29 shilde, senbige arnalǵan aýa raıy boljamyn jarıalady, dep habarlaıdy Almaty-akshamy.kz.
Atmosferalyq fronttardyń yqpalymen elimizdiń basym bóliginde turaqsyz aýa raıy saqtalady.
Jańbyr men burshaq jaýady, naızaǵaı jarqyldap, daýyl turady.
Tek respýblıkamyzdyń ońtústiginde jaýyn-shashyn joq, kún ashyq.
El boıynsha jel kúsheıedi.
Kúndiz Almaty, Qyzylorda, Batys Qazaqstan, Mańǵystaý, Aqtóbe, Jetisý, Ulytaý oblystarynda, Qostanaı oblysynyń ońtústiginde, Atyraý oblysynyń shyǵysynda 35-41°S qatty ystyq bolady.
Kúndiz Aqtóbe oblysynyń ońtústiginde +42°S óte qatty ystyq saqtalady.
Soltústik Qazaqstan, Aqmola oblystarynda, Atyraý oblysynyń shyǵysynda, Batys Qazaqstan oblysynyń batysynda, Mańǵystaý oblysynyń batysynda, soltústik-shyǵysynda órt qaýpi joǵary.
Mańǵystaý, Túrkistan, Jambyl, Shyǵys Qazaqstan, Qaraǵańdy, Aqtóbe, Qyzylorda, Ulytaý, Jetisý, Abaı oblystarynda, Qostanaı oblysynyń ońtústiginde, Atyraý oblysynyń batysynda, soltústiginde, Aqmola oblysynyń ońtústiginde, batysynda, Almaty oblysynyń soltústiginde, ortalyǵynda tótenshe órt qaýpi bar.