Túlekterdiń ortasha baly – 68.
Ereje buzǵan 400-deı túlektiń UBT nátıjeci joıyldy, dep habarlaıdy Almaty-akshamy.kz
Ulttyq testileý ortalyǵy 396 túlektiń test nátıjesi joıylǵanyn málim etti.
UBT bastalǵaly beri 211 myń ret test tapsyrylǵan. Onyń ishinde talapkerlerdiń 76 paıyzy shekti bal jınap otyr.
Túlekterdiń ortasha baly – 68, al ázirge respýblıka boıynsha eń joǵary bal – 138. Sondaı-aq UBT-ǵa erekshe bilim berý qajettiligi bar 577 talapker qatysty.
Atap aıtqanda:
smartfon, shpargalka jáne basqa da tyıym salynǵan zattardy alyp ótý áreketi saldarynan 267 talapker test tapsyrý múmkindiginen aıyryldy;
testileý kezinde erejelerdi buzǵany úshin aýdıtorıadan 120 adam shyǵaryldy;
beınejazbalardy tekserýden soń ereje buzǵan 9 adamnyń nátıjesi joıyldy;
bógde tulǵalar anyqtalǵan joq.
Testke qatysýshylardyń basym bóligi, ıaǵnı 18 paıyzy «Matematıka-Fızıka», 16 paıyzy «Bıologıa-Hımıa» pánder kombınasıasyn tapsyrdy. Túlekterdiń 15 paıyzy «Shyǵarmashylyq emtıhan» kombınasıasyn tańdaǵan.