Bul týraly Ortalyq saılaý komısıasynyń tóraǵasy Nurlan Ábdirov málim etti.
Azamattar basqa ýchaskede daýys bergen jaǵdaıda 4 qarashadan bastap esepten shyǵarý kýáligin ala alady, dep habarlaıdy Almaty-akshamy.kz
«Jergilikti atqarýshy organdarǵa eki tapsyrma berildi. Birinshisi – jazbasha ótinishter, onyń ishinde ýaqytsha tirkelgen azamattar negizinde azamattardy saılaýshylar tizimine engizý tártibi týraly keńinen habardar etý. Ekinshi tapsyrma – aqparattyq servısterdiń, dálirek aıtsaq, koll-ortalyqtardyń, sıfrlyq servısterdiń, ınternet-resýrstardyń saılaýshylar tizimine engizilýin tekserý jáne azamattarǵa olardyń saılaýshylar tizimine engizilgeni týraly aqparat berý boıynsha barynsha jumys isteýi kerek», – dedi Nurlan Ábdirov.
Onyń aıtýynsha, saılaýdyń durys uıymdastyrylýy daýys berýshiler tiziminiń tıanaqty jasalýyna baılanysty.
Ortalyq saılaý komısıasy daýys berýge arnalǵan búleten mátini bekitilgenin aıtty. Prezıdenttikke úmitkerlerdiń aty- jóni alfavıttik retpen jazylǵan jáne «bárine qarsy» degen jol engizilgen. Ortalyq saılaý komısıasy «bárine qarsy» degen jol saılaý nátıjesine eshqandaı áser etpeıtinin málimdedi.
OSK taǵy 63 baqylaýshyny akkredıttedi. Akredıtteýge usynys túsýine qaraı halyqaralyq baıqaýshylar boıynsha derekter jańartylady.