Zańsyz júkti 2024 jylǵy 23 naýryzda qazaqstan-qyrǵyz shekarasynda ustaǵan.
«Aısha bıbi» ótkizý pýnktinde táýekelderdi basqarý júıesiniń kómegimen 4 aýyr júk ustaldy. Taýarǵa ilespe qujattardyń málimetteri boıynsha avtokólikter Qyrǵyzstannan Túrkıaǵa tranzıtpen ótip, burshaqty tasymaldaǵan. Tekserý barysynda 3,5 mln. astam qorap temeki (Milano, Cavallo, Platinum, Taj) anyqtaldy, dep habarlaıdy almaty-akshamy.kz.
İs júrgizý sheshimin qabyldaý úshin, barlyq materıaldar Jambyl oblysy boıynsha Ekonomıkalyq tergeý departamentine berildi. MKK óńirde naýryz aıynda QR QM Memlekettik kirister komıteti men QR UQK Shekara qyzmetiniń júkterdi zańsyz tasymaldaýdyń jolyn kesý boıynsha birlesken jedel-aldyn alý is-sharalary ótkenin habarlaıdy. 5 naýryzda Qyrǵyzstannan jolaýshylarsyz kele jatqan úsh jolaýshy avtobýsynyń birlesken tekserýleriniń nátıjesinde olardyń júk bólimderinde 8 myńnan astam halyq tutynatyn taýarlar tabyldy. Taýarlar ilespe qujattarsyz bolǵan.