Qazaqtyń uly aqyny, kemeńger oıshyly, ult rýhanıatynyń shamshyraǵy Abaı Qunanbaıulynyń esimi – tek ádebıet pen tarıh betterinde emes, eldiń ár túkpirinde tasqa qashalyp, júrekke jazylǵan qasıetti ataý. Aqshamnews.kz tilshisi uly tulǵaǵa arnalǵan qaı óńirlerde kóshe men saıabaq baryn, qansha eskertkish ornatylǵanyn anyqtady.
33 eldi meken Abaı atymen atalǵan
Pavlodardan bastap Jetisýǵa, Túrkistannan Qaraǵandyǵa deıin – Pavlodar, Aqtóbe, Qostanaı̆, Jetisý, Abaı̆, Túrkistan, Qyzylorda, Atyraý, Qaraǵandy, Jambyl, Almaty, Soltústik Qazaqstan, Batys Qazaqstan oblystaryndaǵy 33 eldi mekeni Abaı esimimen atalady.
1231 kóshe, alań, saıabaq
Mádenıet jáne aqparat mınıstrliginiń málimetinshe, Astana, Almaty, Shymkent qalalarynda da, oblys ortalyqtary men shaǵyn aýyldarda da Abaı esimimen atalatyn 1231 quramdas bólik bar (Astana, Almaty, Shymkent qalalary jáne Pavlodar, Aqtóbe, Qostanaı̆, Jetisý, Abaı̆, Túrkistan, Qyzylorda, Atyraý, Mańǵystaý, Qaraǵandy, Ulytaý, Jambyl, Almaty, Batys Qazaqstan, Shyǵys Qazaqstan, Soltústik Qazaqstan oblystarynda).
Caption
Ár kóshe ótken men búgindi jalǵap, Abaıdyń danalyǵyn eske salyp turady.
125 mekeme – bilim men mádenıet ordalary
Bul mekemelerdiń ishinde Abaı̆ esimimen Aqtóbe, Pavlodar, Qaraǵandy, Jambyl oblystarynda kitaphanalar, Qaraǵandy oblysynda ádebı- memorıaldyq mýzeı̆, Mańǵystaý oblysynda mádenı-demalys kesheni, Jambyl oblysynda Abaı̆ atyndaǵy qazaq drama teatry, Abaı̆ oblysynda Abaı̆dyń oqyǵan medresesi, turǵan úı̆i, mýzeı̆-úı̆i jáne jerlengen ornynan quralǵan Abaı̆dyń "Jıdebaı̆-Bórili" memlekettik tarıhı-mádenı jáne ádebı-memorıaldyq mýzeı̆- qoryǵy, Abaı̆ atyndaǵy memlekettik qazaq mýzykalyq drama teatry jáne Almaty qalasynda Abaı̆ atyndaǵy Qazaq ulttyq akademıalyq opera jáne balet teatry bar.
Aqorda
55 eskertkish – máńgilik beıne
Astana men Almatydan bastap, Mańǵystaý men Shyǵys Qazaqstanǵa deıin – 55 eskertkish, búst jáne músindik kompozısıalar ornatylǵan.
Almatydaǵy Abaı eskertkishi respýblıkalyq mańyzy bar mádenı mura tizimine ense, taǵy onnan astamy jergilikti tarıhı eskertkish mártebesine ıe.
depositphotos.com
Eske salaıyq, buǵan deıin elimizde qansha Abaı esimdi adam bary aıtylǵan edi. Qazir Qazaqstanda Abaı esimdi 18 763 adam turady.