10 тамыз - ұлы ойшыл әрі ағартушы Абай Құнанбайұлының туғанына 180 жыл. Аqshamnews.kz тілшісі елімізде Абай есімді қанша адам барын анықтады.
Қазақстанда Абай есімді қанша адам бар?
Қазір елімізде Абай есімді 18 763 адам тұрады.
- Астана – 2 089 адам;
- Түркістан облысында – 2 018 адам;
- Алматыда – 1 719 адам;
- Маңғыстау облысында – 1 254 адам;
- Ақтөбе облысында – 1 079 адам;
- Жамбыл облысында – 1 010 адам;
- Абай облысында – 251 адам;
Ибраһим есімі де кең таралған
Абайдың шын есімі – Ибраһим (Азан шақырып қойған есімі) екенін ескерсек, елімізде бұл есімді 35 404 адам тұрады.
Абай есімді азаматтардың жасы мен жынысы
Ең үлкен Абай есімді азамат 1932 жылы дүниеге келген. Бұл есім 30-34 жас аралығындағы азаматтар арасында жиі кездеседі – 3 228 адам. Ал биылдың алғашқы жартысында 157 жаңа туған сәбиге Абай есімі берілген.
- 15 жастан кіші 3667 адам бар;
- 15-19 жас аралығында 1008 адам;
- 20-24 жас аралығында 934 адам;
- 25-29 жас аралығында 958 адам бар.
Абай есімді әйелдер де бар
Ұлттық статистика бюросының мәліметінше, елімізде Абай есімді 10 әйел адам тіркелген. Оның 3-еуі 15 жастан кіші. 65 жастан асқан 2 адам бар.