Eriktiler 750 mln teńgeden astam búdjet qarajatynyń negizsiz jumsalýynyń aldyn aldy
Volonterlik aıasynda kásibı zańgerler, advokattar 9 myńnan astam azamatqa quqyqtyq keńes berdi, dep habarlaıdy Almaty-akshamy.kz
Antıkordyń málimetinshe, Mańǵystaý oblysynyń búdjetine shamamen 200 mln teńge qaıtarylǵan.
Atap aıtqanda, osy jyldyń qazanynda «Kaspıı jylý, sý arnasy» MKK (Aqtaý q.) 247 mln teńgege «úsh tizbekti stansıanyń» 1 danasyn satyp alýdy josparlaǵan. Bul rette júrgizilgen taldaý naryqtyq baǵa shamamen 50 mln teńge ekenin kórsetti. Tıisti jumystyń nátıjesinde taýardyń quny 49 mln teńgege deıin tómendetildi.
Sondaı-aq, qarashada Almaty qalasynda orta mektep jalpy quny 12,5 mln teńgege 25 kompúter satyp alýdy josparlaǵan, ıaǵnı bir danasyń úshin – 500 myń teńge. Alaıda, monıtorıń barysynda tehnıkalyq erekshelik boıynsha qolaıly monobloktyń quny shamamen 315 myń teńge ekeni anyqtaldy. Qorytyndysy boıynsha satyp alý toqtatylyp, jaýapty tulǵalar tártiptik jaýapkershilikke tartyldy.
Atyraý oblysynda eriktiler jumysynan keıin Qyzylqoǵa aýdanyndaǵy Mádenıet úıi jetkizýshiler arasyndaǵy básekelestik sharttarynyń buzylýyna baılanysty 5,3 mln teńgege kartınalar satyp alýdy toqtatty.
Memlekettik satyp alýlardy taldaýdan basqa, volonterlerdiń edáýir bóligi áleýmettik nysandar qurylysynyń barysyn monıtorıńileýge jumyldyrylǵan. Aqmola oblysynda Bulandy aýylynda mektep salý monıtorıńiniń qorytyndysy boıynsha jalǵaý toraptarynyń buzylýy jáne shatyrdyń aǵash konstrýksıalaryn otqa tózimdi óńdeýdiń bolmaýy anyqtaldy. Memlekettik sáýlet-qurylys baqylaý basqarmasynyń tekserý nátıjeleri boıynsha QNjE buzýshylyqtary jáne jobalyq sheshimnen aýytqýlar anyqtaldy. Merdigerge buzýshylyqtardy joıý týraly nusqama berildi jáne ÁQBtK-niń 312-baby boıynsha hattama toltyryldy.
Almaty oblysynda ákimdik belgilengen merzimde «Jasyl el» baǵdarlamasyna qatysqan 1200 stýdentke eńbekaqy tólemegen. Eriktilerdiń aralasýynan keıin stýdentterge 133,9 mln teńge tólendi.
Shymkent qalasynda monıtorıńtik toptyń kásipkerlik sýbektilerine zańsyz barýy toqtatyldy. Densaýlyq saqtaý basqarmasynyń basshysy jeke medısınalyq uıymdardyń monıtorıńi boıynsha negizsiz buıryq shyǵarǵan. Ýaqtyly áreket etý nátıjesinde buıryq joıyldy.
SHQO eriktileri Altaı aýdanyndaǵy «Qazmyrysh» JSHS taý-ken baıytý kesheniniń janynda «Zelenka» ózeniniń lastaný faktilerin anyqtady. Sybaılas jemqorlyqqa qarsy qyzmet oblystyń Ekologıa departamentimen ekologıalyq normalardyń talaptaryn saqtaý máseleleri boıynsha tekserý júrgizýge bastamashylyq jasady.
Sonymen qatar, volonterlik aıasynda kásibı zańgerler, advokattar 9 myńnan astam azamatqa quqyqtyq keńes berdi. Jobanyń maqsaty – jemqorlyqqa qarsy is-qımylǵa belsendi azamattardy, memlekettik organdardy, kvazımemlekettik sektordy jáne qoǵamdyq birlestikterdi tartý.