Bıyl 2 qyrkúıekten bastap elimizdiń 31 pılottyq mektebinde QR Oqý-aǵartý mınıstrligi Respýblıkalyq ǵylymı-praktıkalyq bilim mazmunyn saraptaý ortalyǵynyń basshylyǵymen 2025-2026 oqý jylyna arnalǵan jańa oqýlyqtar aprobasıadan ótýde.
Mundaǵy maqsat - jańa oqý baǵdarlamasy negizinde ázirlengen 4-synypqa arnalǵan jekelegen pánder boıynsha oqýlyqtar mazmunynyń sapasyn anyqtaý, sondaı-aq mektepter úshin tıimdi oqý materıalyn tańdaý, dep habarlaıdy aqshamnews.kz Oqý-aǵartý mınıstrligine silteme jasap.
Aprobasıa 4-synypqa arnalǵan kelesi oqýlyqtardy qamtıdy: «Beıneleý óneri», «Eńbekke baýlý», «Orys tili» (qazaq tilinde oqytatyn mektepter úshin), «Shet tilderi» (aǵylshyn, nemis, fransýz) jáne «Sıfrlyq saýattylyq» (elektrondyq oqýlyq).
Aprobasıaǵa pedagogter men oqýshylar qatysýda, bul oqýlyqtardyń fýnksıonaldyǵy men tıimdiligi týraly tolyq maǵlumat alýǵa múmkindik beredi.
Esterińizge sala keteıik, ortalyq bes satyly saraptama jumysyn júrgizedi: ǵylymı-pedagogıkalyq saraptama, pysyqtaý kezeńi, pılottyq mektepterde synaqtan ótkizý, qoǵamdyq talqylaý jáne pándik saraptama komısıasy. Sarapshy bolýǵa ótinish bergisi keletin muǵalimder bmso.kz resmı saıtynda saýalnamadan óte alady.