30 sáýir kúni saǵat 17:00 – 22:00 deıin alǵash ret 10 respýblıkalyq telearnanyń tikeleı efırinde «Biz birgemiz» jalpyulttyq telemarafony ótedi, dep habarlaıdy Almaty-akshamy.kz
Telemarafonnyń basty keıipkerleri – tabıǵı apat kezeńinde batyldyq tanytyp, óz ómiri men densaýlyǵyn qaýip-qaterge tige otyryp qyzmeti men azamattyq boryshyn abyroımen atqarǵan qazaqstandyqtar.
Olardyń qatarynda qutqarýshylar, medısına qyzmetkerleri, áskerı qyzmetshiler, eriktiler, kásipkerler men syn saǵatta judyryqtaı jumylyp, yntymaq pen birliktiń úlgisin tanytqan el turǵyndary bar.
«Jibek Joly»,«Qazaqstan», «Habar»,«Eýrazıa», «KTK», «31 arna», «Atameken Business», «Astana TV», «7 arna» jáne «Almaty TV» telearnalarynyń 5 saǵattyq tikeleı efırinde tasqyn basqan aýmaqty kózben kórip, tabıǵı apattan zardap shekken turǵyndarynyń jan tebirenter oqıǵalary, tabıǵı apat aımaqtarynan reportajdar beriledi.
Sharanyń onlaın translásıasy Jibek Joly efırinde, sondaı-aq YouTube jelisinde júrgiziledi.