Qazaqstanda áskerı daıyndyq jalǵasýda
Jeke qurammen sapaly sabaq ótkizý úshin 2 600-den astam oqý toptary qurylyp, oǵan tıisti ádistemelik daıyndyǵy bar tájirıbeli nusqaýshylar belgilendi, dep habarlaıdy Almaty-akshamy.kz. QR Qorǵanys mınıstrliginiń taratqan habaryna silteme jasap.
Mamandyq boıynsha daıarlyq oqytýdyń mańyzdy kezeńderiniń biri sanalady. Bul oqý merzimdi qyzmettegi áskerı qyzmetshi men bilimi, daǵdysy men eptiligi bar kelisimshart qyzmetindegi áskerılerdiń atqaratyn laýazymy boıynsha bilimin shyńdap, daǵdylaryn jetildirýge baǵyttalǵan. Ol bir aı kóleminde komandırler men serjanttardyń basshylyǵymen shtattyq-laýazymyna sáıkes áskerı bólimshelerde ótkiziledi.
Qorǵanys vedomstvosynyń basshylyǵy áskerı qyzmetshilerdiń sabaqqa qatysýyn tolyq qamtýdy jáne sapaly ótkizýdi tapsyrdy.
Jeke quram atqaratyn qyzmetine saı fýnksıonaldyq mindetterin, shtattyq qarý-jaraq pen áskerı tehnıkanyń materıaldyq bólimin, olardy paıdalaný, atys qarýy men jaýyngerlik tehnıkanyń taktıkalyq-tehnıkalyq minezdemesin, atý erejesi men jaýyngerlik mashınany júrgizý jáne taǵy da basqalardy meńgeredi.
Oqý synyptarynda, sonymen qatar oqý-jattyǵý polıgondarynda jattyǵý qurylǵylaryn qoldana otyryp, ótkiziletin praktıkalyq sabaqtarǵa jiti nazar aýdarylady.
Mamandyq boıynsha daıarlyq aǵymdaǵy jyldyń 2 shildesinde aıaqtalady. Jeke quramnyń oqý materıalyn meńgerý deńgeıin anyqtaý úshin negizgi pánderden qorytyndy sabaqtar ótedi.
