Al shaqyrylýshy áskerden birneshe ret jaltaratyn bolsa, 1000 AEK-ke deıingi aıyppul salynady.
Nemese bir jylǵa deıin bas bostandyǵynan aıyrylady, dep habarlaıdy Almaty-akshamy.kz.
Elimizde 30 myńnan asa azamat Otan aldyndaǵy boryshyn óteýden qashyp júr. Byltyr áskerge barýdan jaltaryp, esepke alý qujattaryn qasaqana búldirgen nemese joǵaltqan 4 myńǵa jýyq adam ákimshilik jaýapqa tartylǵan.
Jyl saıyn ásker qataryna 34 myń sarbaz alynady. Buryn sapqa turýǵa barlyǵy asyǵatyn. Qazir kózqaras ózgergen. Áskerge barýdan jaltaryp júrgen jastardy úlken jaýapkershilik kútip tur. Aıyppul salynady, qoǵamdyq jumysqa tartylady.
«Jergilikti áskerı organnyń shaqyrtýy boıynsha azamattyń kelmegeni úshin 5 AEK aıyppul salynady. Al shaqyrylýshy áskerden birneshe ret jaltaratyn bolsa, 1000 AEK-ke deıingi aıyppul salynady, ne bolmasa 400 saǵatqa qoǵamdyq jumysqa tartylady nemese 1 jylǵa deıin bas bostandyǵynan aıyrylady», - dedi QR QK Bas shtaby uıymdastyrý-jumyldyrý jumystary departamentiniń aǵa ofıseri Rýslan Tapashev.