Qurylystyń kóbi jaqsy saqtalyp qalǵan
Ispanıada 30 jyl buryn sý basqan aýyl qaıta paıda boldy. Oǵan qýańshylyq sebep, dep habarlaıdy Almaty-akshamy.kz «Habar 24» telearnasyna silteme jasap.
Oqıǵa Galısıa óńirinde bolǵan. 1992 jyly munda sý elektr stansasynyń qurylysy bastalyp, Aseredo aýylyn sý basqan. Onda turyp jatqan 100-den asa adamǵa ótemaqy tólenip, barlyǵy ózge óńirlerge kóshirilgen.
Biraq keıingi ýaqytta qurǵaqshylyq saldarynan bógettegi sý tartylyp, aýyl qaıta kórine bastady. Muny óz kózimen kórý úshin ózge aımaqtardan týrıser aǵylyp jatyr. Óıtkeni 30 jyl boıy sý astynda bolǵanyna qaramastan, qurylystyń kóbi jaqsy saqtalyp qalǵan eken.