Aqmola oblysynda jalǵan chekter boıynsha taýar satyp alǵan alaıaqtar úsh jyl alty aıǵa sottaldy, dep habarlaıdy Almaty-akshamy.kz.
Aqmola oblysy Polısıa departamentiniń málimetinshe, Kókshetaý qalasynyń 24 jáne 31 jastaǵy turǵyndary 2021 jyldyń tamyz aıynan qarasha aıyna deıin Krasnyı Iar aýylynyń azyq-túlik dúkenderiniń biriniń satýshysyn jańylystyryp, tólemsiz taýar alǵan.
Qaskúnemder dúkendegi kasırlerdiń mobıldi qosymsha arqyly aqsha aýdarý kezinde aýdarý rastalýyn kórsetýdi talap etpeı, tek túbirtektiń bolýyna ǵana nazar aýdaratynyn baıqaǵan.
Osylaısha, klıentter ónimdi tańdap, baǵasyn naqtylap, satýshyny aldaǵan. Alaıaqtar smartfondaǵy qosymshanyń kómegimen alýshynyń aty-jóni men somasyn jazyp, jalǵan tólem chegin jasaǵan.
Shyǵyn somasy 3 mln 62 myń teńgeni qurady.
Kókshetaý qalalyq sotynyń úkimimen qaskúnemder QR QK 190-baby 3-bóliginiń 1-tarmaǵy boıynsha kináli dep tanylyp, 3 jyl 6 aı merzimge bas bostandyǵynan aıyrý jazasy taǵaıyndaldy.