Jeti óńirinde daýyldy eskertý jarıalandy
29 shildede elimizdiń jeti oblysynda daýyldy eskertý jarıalandy, dep habarlaıdy Almaty-akshamy.kz.
Soltústik Qazaqstan oblysynyń basym bóliginde jańbyr jaýady, túnde oblystyń soltústiginde, batysynda nóser jańbyr jaýady. Oblystyń soltústiginde, batysynda, ońtústiginde túnde jáne tańerteń tuman túsedi. Túnde oblystyń soltústiginde, batysynda soltústik-shyǵystan ekpini 15-20 m/s jyldamdyqpen jel soǵady, óńirdiń soltústiginde, batysynda jel ekpini 23 m/s jetedi.
Qaraǵandy oblysynyń soltústik jartysynda naızaǵaı oınap, burshaq túsedi dep kútiledi. Soltústik-batystan soltústik-shyǵysqa oıysa soqqan jeldiń naızaǵaı oınaǵan kezdegi ekpini 18-23 m/s quraıdy. Qaraǵandyda naızaǵaı oınaıdy. Soltústik-batystan soqqan jel soltústik-shyǵysqa oıysyp, naızaǵaı jarqyldaǵan kezdegi ekpini 18 m/s jetedi.
Qyzylorda oblysynyń soltústiginde naızaǵaı oınaıdy. Óńirdiń soltústiginde, ortalyǵynda soltústik-batystan 15-20 m/s jyldamdyqpen jel soǵady, oblystyń basym bóliginde jáne Qyzylordada tótenshe órt qaýpi saqtalady.
Kúndiz Túrkistan oblysynyń taýlarynda naızaǵaı oınaıdy. Oblystyń soltústiginde, taýly aýdandarynda soltústik-batystan 15-20 m/s jyldamdyqpen jel soǵady.
Kúndiz Batys Qazaqstan oblysynyń batysynda, soltústik-batysynda naızaǵaı oınaıdy.
Aqtóbe oblysynyń ońtústiginde, batysynda naızaǵaı oınaıdy. Oblystyń ońtústigi men shyǵysynda soltústik-shyǵystan, soltústikten 15-20 m/s jyldamdyqpen jel soǵady.
Atyraý oblysynyń shyǵysynda naızaǵaı oınaıdy dep kútiledi. Kúndiz qatty ystyq bolady: +35°C. Oblystyń ońtústiginde tótenshe órt qaýpi saqtalady.