Qaraǵandy oblysynyń polısıasyna 61 jastaǵy aýyl turǵyny men onyń 43 jastaǵy uly aryzdanǵan, dep habarlaıdy aqshamnews.kz oblystyq polısıa departamentiniń baspasóz qyzmetine silteme jasap.
Ulynyń aıtýynsha, bári messendjer arqyly bank qyzmetkerinen kelgen habarlamadan bastalǵan. Odan keıin oǵan ózin «polısıa qyzmetkeri» dep tanystyrǵan alaıaq qońyraý shalyp, ony aldaýǵa tyrysqanyn aıtyp, ári qaraıǵy nusqaýlardy oryndaýdy usynǵan. Alaıaqtar jalǵan qujattar men beınemazmundy paıdalanyp, er adamnyń senimine kirgen.
Alaıaqtar er adamdy bank qosymshalaryn júkteýge jáne jeti bankke nesıe alýǵa ótinish berýine májbúrlegen. Biraq ótinishterdiń bári qabyldanbaǵan. Munan túk shyqpaǵan soń alaıaqtar ózi jınaǵan 834 myń teńgeni aýdarýǵa ılandyrǵan.
Kelesi kúni alaıaqtar ákesine baılanysqa shyqqan. Oǵan da nesıeler úshin ótinish bergizgen. Sóıtip, alynǵan nesıiniń 1 mıllıon 900 myń teńgesin alaıaqtarǵa aýdarǵan. Alaıda ekinshi 3,3 mıllıon teńgelik nesıe polısıa men bank qyzmetkerleriniń áreketteriniń arqasynda buǵattaldy.
Nátıjesinde jalpy shyǵyn 2,7 mıllıon teńgeni qurady.
Qazirgi ýaqytta qylmystyq is qozǵaldy.