Drondar shoýy Respýblıka kúnin merekeleý aıasynda almatylyqtardy qýantpaq
Qazaqstan Respýblıkasy kúni oraı 2024 jyly 25 qazanda saǵat 21.00-de Abaı alańynda, Respýblıka Saraıynyń (Dostyq dańǵyly, 56) aldynda jáne 21.30-da «Astana» alańynda drondar shoýy ótedi, dep habarlaıdy aqshamnews.kz
İs-shara respýblıka kúnine arnalǵan merekelik is-sharalardyń biri bolyp, qala turǵyndary men qonaqtary úshin tańǵajaıyp kórinis usynady. Shoý shamamen 20 mınýtqa sozylyp, Almatynyń aspany jarqyraǵan tamasha qoıylymǵa aınalady.
Drondar shoýynyń uıymdastyrýshylary 500-den astam drondy aspanǵa ushyryp, ulttyq mádenıet elementteri men el tarıhyndaǵy mańyzdy sátterdi beıneleıtin vızýaldy 3D beınelerin jasaıtyn erekshe baǵdarlama daıyndaǵan. Jaryq qondyrǵylaryn ulttyq birlik pen maqtanysh rýhyn aıqyndaıtyn mýzykalyq shyǵarmalar súıemeldeıdi.
Drondar shoýy merekeni toılaýdyń ınovasıalyq tásili retinde Qazaqstannyń tehnologıalyq damý men ekologıalyq bastamalarǵa degen talpynysyn kórsetedi. Dástúrli otshashýdyń ornyna drondardy paıdalaný biregeı vızýaldy effekt qana emes, sonymen qatar qorshaǵan ortaǵa áserdi azaıtýǵa múmkindik beredi. Shoý qaýipsizdik talaptaryn saqtaı otyryp uıymdastyrylǵan.
Buǵan qosa, 25 qazan kúni saǵat 20.00-de Respýblıka kúnine oraı Kóktóbe telemunarasynda merekelik sáýlettik jaryqtandyrý qosylady. Esterińizge sala keteıik, telemunaranyń jaryqtandyrý júıesi 30 tamyzda iske qosylyp, Almatynyń jańartylǵan sáýlettik jaryqtandyrý elementteriniń birine aınaldy.