Jańa jyl qarsańynda jolaýshylarǵa 2,5 myńnan astam jolserik qyzmet kórsetedi.
Sondaı-aq, jańa jyldy 80 poıyz bastyǵy jumys ornynda qarsy alady. Búkil Qazaqstan boıynsha mereke túninde 135 vokzal kasasy jáne kasalyq pýnktterdiń 162 qyzmetkeri jumys isteıtin bolady, dep habarlaıdy almaty-akshamy.kz «Jolaýshylar tasymaly» AQ baspasóz qyzmetine silteme jasap.
On altynshy Jańa jyldy jolaýshylar poıyzynyń jolserigi Merýert Qorabaeva dońǵalaqtardyń soǵýymen qarsy alady. Onyń bul qyzmettegi eńbek ótili 18 jyl.
«Mereke kúnderi temirjol úzilissiz jumys isteıdi. Jańa jylǵa qaraı jolaýshylar sany kóbeıedi. Tún ortasynda biz bir-birimizdi jáne jolaýshylardy Jańa Jylmen quttyqtaımyz, osylaısha jolda bir úlken otbasyna aınalamyz. Biz jolaýshynyń baratyn jerine aman - esen jetýi jáne otbasynyń janynda bolýy úshin qoldan kelgenniń bárin jasaımyz», - deıdi jolserik.
Bıyl aýa-raıynyń qolaısyzdyǵyna baılanysty mereke kúnderi temirjol úshin qıyn boldy. Eki kún ishinde jolaýshylar poıyzdary 4 myńǵa jýyq adamdy evakýasıalady. Jolaýshylar tasymaly qyzmetkerleri qolaısyz aýa-raıy kezinde qaýipsiz tasymaldaýdy barynsha qamtamasyz etti. №6805 elektr poıyzynyń aǵa jolserigi Nursáýle Qartabaeva demalys kúni áriptesterine kómek kórsetý úshin jumysqa shyǵyp otyr.
"Bizdiń jumysymyzda ártúrli jaǵdaılar bolady. Biz árqashan táýliktiń kez kelgen ýaqytynda jumysqa shyǵýǵa daıyn júrýimiz kerek. Biz úshin jolaýshylarymyzdyń qaýipsizdigi men jaılylyǵyn qamtamasyz etý mańyzdy", - dep bólisti ol.
«Jolaýshylar tasymaly» AQ-nyń barlyq qurylymdyq qyzmetteri jolaýshylardyń jaıly jáne qaýipsiz saıahatyn qamtamasyz etý úshin jumys isteýde.