Bıyl óńirge qar qalyń tústi. Oblystyń soltústik bóliginde qatqan jer tońynyń qalyńdyǵy 1 metrge deıin jetedi. Qazir óńirde kóktemgi sý tasqynynyń aldyn alý jumystary júrgizilip jatyr. Tótenshe jaǵdaı qyzmeti kúsheıtilgen jumys rejımine kóship, aryq-atyzdardy tazalap, qajetti ınertti materıaldar men tehnıkalyq quraldardyń qoryn jasaqtap jatyr, dep habarlaıdy 24kz.
"Búgingi tańda 270 myń tekshe metr qar shyǵaryldy. Bul jumystar áli jalǵasýda. Sonymen qatar jol uıymdarynyń qyzmetkerlerimen 600-ge jýyq sý ótkizý qubyrlary jáne kópirler tazalandy. Negizgi qaýip 15-naýryzdan bastap kúndiz de, túnde de aýa temperatýrasynyń jylynýy kútilýde. Bizde qazir daıyn shtab quramy bar. Qajet bolǵan jaǵdaıda, qaýip tóngen jaǵdaıda sol shtab qurylyp, dereý is-sharalar qabyldanady".Tótenshe jaǵdaılar basqarmasynyń bólim bastyǵy Álibek Ábilov