Almaty qalasynda «Mereıli otbasy – 2025» Ulttyq konkýrsy jyl saıynǵy dástúr boıynsha Halyqaralyq otbasy kúnine oraı 15 mamyrda bastaldy.
Aǵymdaǵy jylǵy 15 mamyr men 15 maýsym aralyǵynda aýdan ákimdikterinde Ulttyq konkýrsqa qatysý týraly ótinimder qabyldanyp,
qala boıynsha 250 otbasy qatysýǵa nıet bildirdi.
15 maýsym men 30 maýsym aralyǵynda aýdandyq komısıa quramy ótinimderdi qarap, 2 úzdik shyqqan otbasyny qalalyq komısıanyń qaraýyna joldady.
Ulttyq konkýrsqa qatysý týraly ótinim bergen otbasylardyń ishinen aýdandyq deńgeıde úzdik dep tanylǵan 16 (ár aýdannan 2 otbasy) otbasynyń qujattary a.j. 1 shildede qalalyq komısıa otyrysynda qaraldy.
15 shildede Almatyda «Mıras» saltanat saraıynda Ulttyq konkýrstyń qalalyq kezeńiniń qorytyndysy boıynsha 8 aýdan men Almaty qalasynyń jeńimpaz otbasylaryn estelik syılyqtarmen marapattaý saltanatty rásimi ótti.
Ulttyq konkýrstyń Almaty qalasy boıynsha jeńimpazy – Dúısebaevtar otbasy dep tanyldy. Dúısebaevtar otbasy – ustazdar otbasy. Ulbosyn Dúısebaeva 40 jyl ustaz bolǵan kóp balaly ana, aqjaýlyqty áje. Jubaıy marqum Dúısebaev Ábdikamal da ulaǵatty ustaz, aqyn bolǵan, 4 kitaby jaryq kórgen. Dúısebaev Ábdikamaldyń 5 baýyry, Dúısebaeva Ulbosynnyń 4 baýyry, áke-shesheleri de ustaz bolǵan. Ulbosyn apanyń ákesi Áben Sherimbetov Maqtaral aýdanyndaǵy Q.Sátpaev atyndaǵy orta mekteptiń tuńǵysh dırektory bolǵan. Dúısebaevtar otbasy 9 bala, 25 nemere, 9 shóbere súıip otyrǵan kóp balaly áýlıet. Qazirgi tańda Ulbosyn apanyń 9 balasy da ustazdyq jolynda eńbek etip etýde, 3 nemeresi de atadan qalǵan joldy jalǵastyryp keledi. Áýlettiń pedagogıkalyq eńbek ótili 501 jyl.
Qyrkúıekte Otbasy kúni qarsańynda Astana qalasynda Ulttyq konkýrs laýreattaryn dıplomdarmen marapattaýdyń Respýblıkalyq saltanatty rásimi ótedi. Bul rásimge Almaty qalasynan Dúısebaevtar otbasy qatysady.
