Ánshi jeke konsertinde klasıkalyq mýzykanyń jaýharlaryn oryndaıdy.
23 shildede saǵat 19.00-de Almaty Theatre sahnasynda áıgili opera ánshisi Aıgúl Shamshıdenovanyń konserti ótedi, dep habarlaıdy Almaty-akshamy.kz
Konsert barysynda ánder arfa, fortepıano jáne orkestrdiń súıemeldeýimen oryndalady. Aıgúl Shamshıdenova bedeldi Vena fılarmonıasynyń solısi, áıgili Vena konservatorıasynyń jáne Marıın teatrynyń opera ánshileri bilim alǵan akademıanyń túlegi. Kóptegen halyqaralyq baıqaýdyń laýreaty ári Gran-Prı ıegeri, sondaı-aq Gollıvýdta ótken Búkilálemdik oryndaýshylyq óner chempıonatynda tórt altyn medal ıegeri. Aıgúl Nadıa Sháripova, Elena Obrazsova jáne Iýlıa Homenko sıaqty tanymal ustazdardan sabaq aldy. Ol Monako hanshaıymy men Londondaǵy hanshaıym Olga Romanovaǵa arnap óner kórsetti. Aıgúl óz Otanyn, Qazaqstandy Dúnıejúzilik sahnalarda maqtanyshpen tanystyryp júr jáne Syrtqy ister mınıstrliginiń qoldaýymen mańyzdy dıplomatıalyq is-sharalarda Qazaqstan Respýblıkasynyń Ánuranyn oryndaıdy.
Ótetin orny: Almaty q., Ál-Farabı dańǵyly, 30, Almaty theatre
Kúni: 23 shilde 2023 jyl
Bastalýy: 19: 00
Uzaqtyǵy: 120 mınýt
Jas shekteýi: 3+