+45°C aptap ystyq, naızaǵaı, burshaq, qatty jel. Sınoptıkter eskertý jarıalady
22 maýsymda elimizdiń 10 óńirine qatysty daýyldy eskertý jarıalandy, dep habarlaıdy Almaty-akshamy.kz.
Sınoptıkter Soltústik Qazaqstan oblysynyń soltústiginde, shyǵysynda naızaǵaı oınap, burshaq túsedi, daýyl turady dep kútiledi. Ońtústik-batystan, batystan 15-20 m/s jyldamdyqpen jel soǵady, kúndiz oblystyń basym bóliginde soqqan jeldiń ekpini 23-28 m/s, al shyǵysynda 25 m/s quraıdy.
Kúndiz Qaraǵandy oblysynyń ońtústiginde qatty ystyq bolady: +38°C. Qaraǵandyda kúndiz soltústik-batystan ońtústik-batysqa oıysa soqqan jeldiń ekpini 18 m/s jetedi. Jezqazǵanda kúndiz qatty ystyq saqtalady: +36...+38°C.
Batys Qazaqstan oblysynyń soltústik-shyǵysynda naızaǵaı oınap, burshaq túsedi, daýyl turady. Ońtústik-shyǵystan jel soǵady, kúndiz oblystyń soltústik-shyǵysynda soqqan jeldiń ekpini 15-20 m/s jetedi, kúndiz oblystyń ońtústik-batysynda 37°C-ge deıin qatty ystyq bolady.
Kúndiz Qyzylorda oblysynda qatty ystyq bolady: +40°C. Oblystyń basym bóliginde jáne Qyzylordada tótenshe órt qaýpi saqtalady.
Kúndiz Almaty oblysynyń soltústiginde jáne shyǵysynda qatty ystyq bolady: +36°C. Ońtústik-batystan jel soǵady, oblystyń taýly aýdandarynda soqqan jeldiń ekpini 15-20 m/s, keıde 25 m/s quraıdy.
Kúndiz Túrkistan oblysynyń shóldi aýdandarynda aptap ystyq: +45°C. Taýly óńirlerinde naızaǵaı oınap, daýyl turady. Soqqan jeldiń ekpini - 15-20 m/s.
Mańǵystaý oblysynyń soltústiginde, ońtústiginde, ortalyǵynda shańdy daýyl turady. Ońtústik-shyǵystan soqqan jeldiń ekpini óńirdiń soltústiginde, ońtústiginde, ortalyǵynda 15-20 m/s quraıdy, kúndiz oblystyń basym bóliginde aptap ystyq bolady: +40°C.
Kúndiz Aqtóbe oblysynyń ortalyǵynda soltústiginde, shyǵysynda naızaǵaı oınaıdy. Soltústik-batystan soqqan jeldiń ekpini 18 m/s jetedi.
Kúndiz Jambyl oblysynyń batysynda, soltústiginde aptap ystyq bolady: +43°C.
Qostanaı oblysynyń batysynda, soltústiginde, shyǵysynda naızaǵaı oınap, burshaq túsedi, daýyl turady. Batystan, soltústikten, shyǵystan 15-20 m/s jyldamdyqpen jel soǵady, keıde 25 m/s jetedi.