Prodúser Jan Muqanov ánshi Tamara Asardyń joldasy Jumash Bekmyrzanyń birinshi nekesinen týǵan uly Álisherdiń ólimine qatysty aqparat berdi, dep habarlaıdy Aqshamnews.kz tilshisi.
Jan Muqanovtyń aıtýynsha, 22 jastaǵy Álisher Aqtóbede dosynyń úılený toıyna barǵan kezinde kólik qaǵyp, kóz jumǵan.
"Álisherdi jer qoınyna tapsyrdyq. 22 jasta edi. 8 qarasha kúni Qostanaıda Jumashtyń uly Álisherdiń qyryq kúni ótedi. Bári bilsin – qany bir bolýy mańyzdy emes, eń bastysy – júrek baılanysy. Álisher Tamara Asardyń týǵan uly emes. Alaıda osy jyldar ishinde týǵandaı bolyp ketti. Ol da Qambar sekildi olardyń uly. Jumash pen kishkentaı qyzdary – Ajardyń aǵasy. Kóp adam onyń qalaı qaıtys bolǵanyn surap jatyr: Aqtóbede kólik qaǵyp ketti. Dosynyń úılený toıyna barǵan edi”, – dep jazdy prodúser.
Qaraly habardy Qostanaı oblysy Naýryzym aýdanynyń ákimdigi de rastady.
Ákimdik marqumnyń otbasyna kóńil aıtty:
"Belgili kásipker Jumash Bekmyrza men jubaıy Tamara Asardyń uly Álisherdiń mezgilsiz qazasyna baılanysty shyn júrekten kóńil aıtamyz. Alla marqumnyń janyn jánnattan qylsyn, jaqyndaryna sabyr bersin", – dep jazdy Naýryzym aýdanynyń ákimdigi.
Eske salaıyq, aza tutý rásimine qatysty málimet boıynsha, qyryq kúndik as 8 qarashada Qostanaıda ótedi.