Burshaq, naızaǵaı, nóser jaýyn bolady.
«Qazgıdromet» mamandary 21 sáýir, beısenbi kúni el aýmaǵynda aýa raıy qandaı bolatynyn jarıalady, dep habarlaıdy Almaty-akshamy.kz.
Qazaqstannyń basym bóligine atmosferalyq fronttar áser etedi.
Saldarynan jańbyr jaýady, ońtústiktiń taýly aýdandarynda jáne soltústikte qatty jaýyn-shashyn jaýady.
Respýblıka boıynsha jel kúsheıedi, soltústikte tuman túsip, ońtústikte naızaǵaı oınaıdy, burshaq jaýyp, daýyl turady.
Túnde Aqmola oblysynyń soltústiginde, ońtústiginde, kúndiz basym bóliginde jel 15-20, kúndiz soltústiginde, shyǵysynda ekpini 23 m/s, soltústik-batysynda, shyǵysynda tuman túsedi.
Qaraǵandy oblysynda jel ekpini 25 m/s deıin kúsheıedi.
Soltústik Qazaqstan oblysynda kúndiz jel qarqyny 25 m/s jetedi.
Almaty oblysynyń taýly aýdandarynda burshaq jaýyp, daýyl soǵady. Naızaǵaı kezinde jeldiń kúshi - 17-22 m/s. Alakól aýmaǵynda jel 25 m/s deıin kúsheıedi.
Jambyl oblysynyń taýly aýdandarynda burshaq jaýyp, daýyl turady.
Shyǵys Qazaqstan oblysynyń soltústik-batysynda, soltústiginde jel ekpini - 15-20 m/s.
Pavlodar oblysynyń ońtústiginde sekýndyna 15-20 metr jyldamdyqpen kúshti jel turady.
Qostanaı oblysynyń soltústik jartysynda tuman túsedi, kúndiz soltústikte, shyǵysta jel qarqyny 15-20 m/s jetedi.
Túnde jáne tańerteń Mańǵystaý oblysynyń batysynda jeldiń kúshi - 15-20 m/s.
Batys Qazaqstan oblysynyń soltústiginde jel ekpini 15-20 m/s deıin kúsheıedi.
Batys Qazaqstan oblysynyń ońtústiginde, Aqtóbe oblysynyń soltústiginde, ortalyǵynda tótenshe órt qaýpi saqtalady.