Almatyda Tuzdybastaý aýylyna qatynaıtyn taǵy bir qala mańy baǵyty ashyldy
Almaty qalasy mańyndaǵy qoǵamdyq kólik qozǵalysyn damytý maqsatynda Almatynyń qalalyq mobıldilik basqarmasy bıyl 21 qarashadan bastap №232 qala mańyna qatynaıtyn jańa baǵyt ashty, dep habarlaıdy Almaty-akshamy.kz
Bul baǵyt Tuzdybastaý aýylynan («Sultan» kesheni) «Almaty-2» temirjol vokzalyna deıin júredi. Marshrýttaǵy avtobýs sany 7, qozǵalys aralyǵy 20 mınýt.
Esterińizge sala keteıik, Almaty aglomerasıasyn damytý aıasynda 2023 jyly 25 eldi mekendi qamtıtyn 10 jańa qala mańyna qatynaıtyn jańa marshrýt uıymdastyrý kózdelgen. Buǵan deıin 7 marshrýt ashyldy, qalǵan ekeýi baǵyt ázirlenip jatyr.
Buǵan qosa, Almaty jáne Almaty aglomerasıasyn damytý josparyna sáıkes, 2024 jyldyń sońyna deıin 20 jańa qala mańy marshrýtyn uıymdastyrý josparǵa engen, bul 50 eldi mekendi qamtamasyz etedi.