Tótenshe jaǵdaılar mınıstrligi «Qys-2024» respýblıkalyq jattyǵýyn ótkizedi, dep habarlaıdy aqshamnews.kz.
2024 jylǵy 21-22 qarasha aralyǵynda elimizde «Azamattyq qorǵaýdyń memlekettik júıesiniń basqarý organdary men kúshterin qysqy kezeńdegi tótenshe jaǵdaılardyń aldyn alý jáne olardy joıý jónindegi is-qımyldarǵa daıyndaý» taqyrybynda «Qys-2024» respýblıkalyq komandalyq-shtabtyq oqý-jattyǵýy ótkiziledi.
Oqý-jattyǵýdyń respýblıkalyq shtaby Kókshetaý qalasynda ornalasqan.
Oqý-jattyǵýǵa jergilikti atqarýshy organdar, ortalyq memlekettik organdar, respýblıkalyq jáne oblystyq qyzmetter men azamattyq qorǵaý quralymdary, QR TJM aýmaqtyq bólimsheleri tartylady.
Oqý-jattyǵý nátıjeleri boıynsha oblystyq azamattyq qorǵaýdyń memlekettik júıesiniń qysqy kezeńdegi yqtımal TJ saldaryn joıýǵa daıyndyǵy baǵalanatyn bolady.
Praktıkalyq is-sharalar elimizdiń barlyq óńirlerinde ótkiziletin bolady.
RKSHOJ sheńberinde azamattyq qorǵaý qulaqtandyrý júıesin tekserý júrgizý josparlanǵan.
21 qarasha saǵat 11:00-de elektrdabyldary men dabyldy-sóıleý qurylǵylary iske qosylady, sondaı aq teledıdar jáne radıoarnalardyń efıri qarmalady. Bul is-shara halyqtyń «Barshanyń nazaryna!» biryńǵaı qulaqtandyrý sıgnalyna den qoıý tártibin daǵdylandyrý maqsatynda ótkiziledi.