Qyrǵyzstan aldaǵy 11 jylda syrtqy qaryzyn tolyq óteýge nıetti ekenin el prezıdenti Sadyr Japarov «Kabar» agenttigine bergen suhbatynda málimdedi, dep habarlaıdy almaty-akshamy.kz.
«2035 jylǵa qaraı biz búginge deıin qordalanǵan 5 mıllıard dollar kólemindegi syrtqy qaryzymyzdy óteıtin bolamyz. Ekonomıkamyz jaqsardy. Elde tynyshtyq pen turaqtylyq bolsa, biz ony ońaı tóleı alamyz», - dedi Memleket basshysy.
Sonymen birge Japarov Qyrǵyzstan keleshegi zor jobalarǵa, sonyń ishinde quny 5-6 mıllıard dollar turatyn Qambar-Ata 1 GES qurylysyna jańa sheteldik nesıelerden bas tartýdy josparlap otyrǵan joq dep málimdedi.
«Bolashaqta qansha nesıe alsaq ta, árbir joba ózin-ózi aqtaıdy. Respýblıka búdjeti men halyqtyń qaltasyna aýyrtpalyq túspeıdi», – dedi Prezıdent.